احب اشكرك يامهاب علي انك فتحت الموضوع ده,
الصورة اللي احنا وصلنا ليها دلوقتي هي مش بس التطرف لكن الانحراف كمان زاد قوي بمعني ان المشكلة دلوقتي ان مفيش حاجة وسط (طبعا موجود بس قليل).
المشكلة ان الشاب او الفتاه او الرجل او المرأة نوع من الاتنين :
1- متساهلين جدا في الدين.
2- متشددين جدا في الدين.
يعني مفيش وسط , بس فيه عامل مشترك بين النوعين : ان النوعين عندهم جهل كبير جدا في فهم الدين, لأن الدين مفهومه اكبر واعمق من انه يتمثل بالمظهر (سواء في المتساهل او المتشدد).
والسبب في عدم مفهوم الدين بمنطقه الصحيح هو الخطأ في التربية.
التربية اللي قصدي عليها مش تربية اب لإبنه وخلاص , لأ... التربية اللي قصدي عليها هي تربية المجتمع.
الملاحظ في المجتمع بتاعنا انه بيربيك علي المظاهر وبس, وكلام كتير تاني ممكن يتقال في الموضوع المهم ده والمواضيع الجاية كتير ان شاء الله.
شكرا تاني علي الموضوع ده.
كرم التعلب